Тошкентда қуллик қурбонлари учун курслар очилади

Тошкент. 15 октябр. ЎзТАГ – Тошкентдаги “Istiqbolli avlod” шаҳар ижтимоий ахборот марказида илк маротаба одам савдоси қурбони бўлган аёллар учун бепул курслар очилади, деб хабар беради Ўзбек телеграф агентлиги (ЎзТАГ).

Ушбу лойиҳага молия кўмагини АҚШнинг Халқаро ҳамкорлик агентлиги (USAID) кўрсатди.

Марказ вакилининг сўзларига кўра, курснинг асосий вазифаси аҳоли заиф ва ҳавф гуруҳларини қайта одам савдоси билан шуғулланувчилар қўлига тушмасликка ўргатишдан иборат.

“Курсларнинг очилиши 21 октябрга мўлжалланган. Ўқитиш йўналишлари орасида пазандалик, тикувчилик ва бошқалар бор. Бундан ташқари, бу ерда кексалар учун компьютер саводхонлиги ҳам ўқитилади”, – деб таъкидлади у.

Ҳозирда компьютер техникасини ўрнатиш ишлари якунланмоқда, курсга юқоридаги қатламга оид бўлган истаган киши бошланғич суҳбатдан ўтганидан кейин кириши мумкин.