Тошкентда яна битта парк очилди

Тошкент. 4 сентябр. ЎзТАГ – Ўзбекистон Мустақиллигининг 26 йиллиги арафасида Тошкентда “Дўстлик” парки очилди, деб хабар беради Ўзбек телеграф агентлиги (ЎзТАГ).

Парк пойтахтнинг Яшнабод туманида 2 сентябрда ишлай бошлади.

“Дўстлик” паркини қуриш ишлари Ўзбекистон президенти Шавкат Мирзиеёвнинг ташаббуси билан унинг 11 майда Яшнабод туманига ташрифидан кейин бошланган эди.

Парк қурилиши қисқа муддатда – 25 августгача якунланди.

Паркда 20 турдаги янги аттракционлар очилган бўлиб, улар орасида “Мевали карусель”, “Қувноқ медуза”, “Океан паровозчаси”, “Автодром”, “Энергетик шторм”, “Қароқчилар кемаси”, “Дрифт” ва бошқалар бор.

Паркда Book номли кафе ҳам жойлашган бўлиб, бу ерда таомларга буюртма бериш ва китоб ўқиш мумкин.

Янги боғ қурилишида Қорасув канали қирғоқлари ободонлаштирилди ва пиёда сайрлар учун барча шароитлар яратилди.