Тошкентда ЙПХ ходимлари бодикамерларни синовдан ўтказа бошладилар

Тошкент. 25 июль. ЎзТАГ – Тошкентда йўл-патрул хизмати (ЙПХ) ходимлари бодикамерларни синовдан ўтказа бошладилар, дея хабар беради Ўзбек телеграф агентлиги (ЎзТАГ).

"Жорий йилнинг 22 июлидан бошлаб пойтахт кўчаларида бодикамераларни амалий синовдан ўтказиш бошланди, унинг мақсади камера ишлашини синаб кўриш, шунингдек, юзага келиши мумкин бўлган камчиликларни аниқлаш ва бартараф этишдир", - дейилади Тошкент Ички ишлар Бош бошқармаси матбуот хизмати хабарида.

Қайд этилганидек, ҳайдовчилар билан мулоқот қилишдан олдин, ЙПХ инспекторлари уларнинг суҳбатлари бодикамерада ёзилаётгани ҳақида огоҳлантирадилар. Синов натижалари ишончли комиссия томонидан ўрганиб чиқилади, ундан кейин ишлаб чиқувчи компаниялар таклиф ва тавсиялар беради.

Шунингдек, бодикамерлар билан бир қаторда ЙПХ инспекторлари учун мўлжалланган махсус жилетлар ҳам синовдан ўтказилмоқда.

Эслатиб ўтамиз, Ўзбекистон Республикаси Вазирлар Маҳкамасининг 2019 йил 3 июлдаги "Ички ишлар органлари ходимларини мобил видеокузатув воситалари билан таъминлашга доир қўшимча чора-тадбирлар тўғрисида"ги қарори билан Ички ишлар органларининг йўл-патрул ва патрул-пост бўлинмалари ходимларини мобил видеокамера ва планшетлар билан таъминлаш муддати 2020 йил 1 январга қадар узайтирилган эди.

Сурат манбаи: iibb.uz