Тошкентда Юлдуз Усмонованинг янги клиплари тўплами сотуви бошланди

Тошкент. 26 сентябр. ЎзТАГ – Бугун Ўзбекистон пойтахтидаги “Discovery” дўконлари тармоғининг барча бўлинмаларида Юлдуз Усмонованинг “Ёнингдаман” номли янги клиплари DVD-тўплами сотуви бошланди, дея хабар беради Ўзбек телеграф агентлиги (ЎзТАГ)

Бу ҳақидаги маълумот хонанданинг расмий сайтида эълон қилинди.

“Хонанданинг янги DVD-тўпламига “Yoningdaman”, “Ketdi”, “Devonalarmiz”, “Oq qayin”, “Senga”, “Aq-bayan”, “Ey yor”, “Hoppa hoppa”, “Ипподром” (“Шире круг” дастуридан), “Barqaror bo’lsin”, “Katta ashula” (Orifhon Hotamov bilan), “Lov lov”, “Mutlu gunler kalma”, “Diyemem”, “Neyi degistirdik ki”, “Небосвод”, “Ипподром” каби клиплар кирган”, - деб таъкидлади “Discovery” тармоғидаги манба.

Эслатиб ўтамизки, Юлдуз Усмонова – таниқли ўзбек эстрада хонанда, композитор, қўшиқчи-шоира ва продюсери бўлиб, Ўзбекистон Халқ артисти, Тожикистон, Туркманистон, Қозоғистонда Хизмат кўрсатган хонанда ҳисобланади. Унинг репертуарида ўзбек, турк, уйғур, қозоқ, татар, рус, тожик, форс ва бошқа тиллардаги 600 зиёд қўшиқлар мавжуд. Хонанданинг 100 ошиқ яккахон пластинка, CD ва DVD дисклари бор.

Ўзбекистондан ташқари Усмонованинг альбомлари Германия, АҚШ, Англия, Туркия ва Голландия каби мамлакатларда чиқарилган. Хонанда дискларининг умумий адади 25 млн донадан кўпдир.