Тошкентда “Ўзбек бадиий матолари” кўргазмаси очилди

Тошкент. 23 ноябр. ЎзТАГ – Тошкентда “Ўзбек бадиий матолари” кўргазмаси очилди. Унда мамлакатнинг барча вилоятларидан келтирилган анъанавий текстиль материаллари тақдим этилган, деб хабар беради Ўзбек телеграф агентлиги (ЎзТАГ).  

“Ўзбек матолари бутун дунёда ўзининг бетакрорлиги ва табиийлиги билан танилган. Кўргазмада ҳам ўтган асрларга мансуб матоларни, ҳам замонавий материалларни кўриш мумкин. Масалан, ипак ва пахта адрас, хон-атлас, шойи, эксельсиор, беқасам ва бахмал кабилар”, – деб таъкидлашди лойиҳа ташкилотчилари.

Кўргазмада марғилонлик усталар Мансур Мирзахонов, Абрормирза Мусинов, Муҳамадумар Юсуфжонов ва Расул Мирзааҳмедовларнинг, шунингдек, “Ёдгорлик” фабрикасининг ноёб ишлари тақдим этилган.

Бундан ташқари, кўргазма доирасида “Анъанавий ўзбек костюми образлари” дефилеси ҳам намойиш этилмоқда. У бир неча бўлимлардан иборат бўлиб, Тошкент-Фарғона, Самарқанд-Бухоро, Сурхандарё-Қашқадарё, Хоразм-Қорақалпоғистон сингари Ўзбекистон вилоятлари костюмларини ўз ичига олган. 

Ўзбек костюмлари мамлакат музейларининг ўзига хос намуналари асосида яратилган. Кўргазмада 50 турдаги тарихий костюмлар тақдим этилган.