Тошкентда ўзбек-француз бизнес-форуми бўлиб ўтди
Тошкент. 12 июн. ЎзТАГ – Бугун Тошкентда ўзбек-француз бизнес-форуми бўлиб ўтди. У Ўзбекистонга Франция ишбилармон доиралари делегациясининг ташрифи муносабати билан ташкил этилди, деб хабар беради Ўзбек телеграф агентлиги (ЎзТАГ).
Ташқи иқтисодий алоқалар инвестициялар ва савдо вазирлигидан (ТИАИСВ) хабар беришларича, делегация таркибига MEDEF International Франция корхоналари ҳаракати бош директори вазифасини бажарувчи Филипп Готье бошилигидаги 20 француз компаниялари вакиллари кирди.
Форум доирасида француз делегацияси раҳбари Ф.Готье куни-кеча делегация аъзолари қатор урашувлар ўтказгани, жумладан, ТИАИСВ раҳбари Эльёр Ғаниев, бошқа раҳбарлар билан кўришганини таъкидлади. Бўлиб ўтган фикр алмашинуви томонларга қизиқарли бўлган асосий тармоқларга диққат қаратишга имкон берди. Улар орасида энергетика, транспорт коммуникациялари, соғлиқни-сақлаш, телекоммуникация ва бошқалар бор.
Готьенинг сўзларига кўра, Ўзбекистон савдо-саноат палатасида қизиқарли муҳокама бўлиб ўтган. Унинг якунлари бўйича ўқув дастурлари доирасида маҳаллий бошқарувчилар учун Францияга стажировка уюштиришга келишиб олинди.
Бизнес-форум доирасида томонлар машинасозлик, автомобилсозлик, экология, кимё ва нефткимё, электротехника, фармацевтика, озиқ-овқат саноати кабиларда лойиҳаларга доир тақдимотлар уюштирдилар.
Куннинг иккинчи ярмида юқоридаги йўналишлар бўйича кооперация биржаси бўлиб ўтди. Бизнес-форум якунлари бўйича ўзаро тушунишга доир меморандум имзоланди.
Олдинроқ ЎзТАГ 10-12 июнда Тошкентда MEDEF International Франция корхоналари ҳаракати делегацияси меҳмон бўлиб тургани ҳақида хабар қилган эди.
Эслатиб ўтамизки, Франция Ўзбекистоннинг Европадаги энг йирик савдо-иқтисодий ҳамкорларидан бири саналади. Ўтган йилда икки мамлакат ўртасидаги савдо айланмаси $287,5 млнни ташкил қилди, жорий йилнинг январ-мартида 7,1% ўсди.
Бугунда Ўзбекистонда француз капитали иштирокидаги 14 фирма ва компаниялар ишламоқда. Улардан 3таси 100% француз капиталига ташкил этилган. Мамлакатда 10 француз компаниялари ваколатхоналари рўйхатдан ўтган.
MEDEF International 25 йиллик тарих, 70 филиал, шунингдек, Франция бўйлаб 160 офисларга эга. Ташкилот дунёнинг 140 ошиқ давлатида фаолият юритади.
