Тошкентда ўзбек-поляк бизнес форуми бўлиб ўтди
Тошкент. 8 июн. ЎзТАГ – 7 июн куни Ўзбекистон Савдо-саноат палатасида Польша Республикаси Ташқи ишлар вазири ўринбосари А. Папеж бошчилигидаги делегация вакиллари билан Ўзбекистон-Польша бизнес-форуми ўтказилди, деб хабар беради Ўзбек телеграф агентлиги (ЎзТАГ).
Ўзбекистон Савдо-саноат палатасида хабар беришларича, Польша делегацияси таркибидан озиқ-овқат, қурилиш, тиббиёт ва биотехнология, муҳандислик, электротехника, қишлоқ-хўжалиги, шунингдек, бизнес-маслаҳатлар соҳаларида фаолият олиб борувчи 20 яқин йирик компаниялар вакиллари ўрин олди.
Польша делегацияси вакиллари Ўзбекистонда иқтисодиётининг ижобий динамикасини таъкидлаб ўтдилар, мамлакат ҳукуматининг иқтисодиётни либераллаштириш бўйича ҳаракатлари ва мамлакатда хорижий инвесторлар ва тадбиркорлар учун яратилган қулай шарт-шароитларни қутладилар.
Учрашув давомида иштирокчилар Ўзбекистонда амалга оширилаётган ислоҳотлар, ишбилармонлик муҳитини яхшилаш, иқтисодиёт ва валюта бозорини либераллаштириш, ЭИЗда инвесторлар учун яратилган шароитлар билан таништирилдилар.
Эслатиб ўтамизки, 2017 йилда икки мамлакатнинг ўзаро товар айланмаси қарийиб $104,9 млнни, 2018 йилнинг 4 ойи давомида $46,3 млнни ташкил қилди.
Бугунги кунда Ўзбекистонда Польша инвесторлари иштирокидаги 25 та корхона фаолият юритмоқда. 2017 йилга келиб Ўзбекистон Республикасида 2 та қўшма корхона ва 1 та энергетика, текстил, фармацевтика ва чиқиндиларини қайта ишлаш компаниялари очилган.
Сурат манбаи: https://uzreport.news/economy/v-tashkente-proshel-uzbeksko-polskiy-biznes-forum-07-06-2018
