Тошкентда Ўзбекистон-Польша бизнес-форуми бўлиб ўтади

Тошкент. 31 май. ЎзТАГ – 7-8 июнда Ўзбекистонга Ташқи ишлар вазири ўринбосари А. Папежа бошчилигидаги Польша Республикаси ишбилармон доиралари делегациясининг ташрифи бўлиб ўтади, деб хабар беради Ўзбек телеграф агентлиги (ЎзТАГ).

Ташрифнинг асосий мақсади – ташқи ишлар вазирликлараро сиёсий маслаҳатлашувлар ва бизнес-форумнинг 7 турида иштирок этишдан иборат.

Ташриф доирасида 7 июнда Тошкентда ва 8 июнь куни Бухорода бизнес-форум ва кооперацион биржа ҳам ўтказилади.

Польша делегацияси таркибига қурилиш, тиббиёт ва биотехнология, машинасозлик, электротехника, бизнес хизматлар кўрсатиш, қишлоқ хўжалиги билан шуғулланувчи 20 атрофида йирик компаниялар кирган.

Польша компанияларининг тўлиқ рўйхати Ўзбекистон ССП веб-сайтида мавжуд.

Сурат манбаи: http://www.uz24.uz/politics/gzbekiston-va-polysha-tiv-vakillari-maslaatlashuvlar-gtkazdi