Тошкентда Ўзбекистон ва Чехия ўртасида дипломатик муносабатлар ўрнатилганлигининг 24 йиллигига бағишланган концерт бўлиб ўтади
Тошкент. 20 январ. ЎзТАГ – 27 январда Тошкентда Ўзбекистон ва Чехия ўртасида дипломатик муносабатлар ўрнатилганлигининг 24 йиллигига бағишланган концерт бўлиб ўтади, деб хабар беради Ўзбек телеграф агентлиги (ЎзТАГ).
“Арт-Студия-Свет” кўмагида ўтказилаётган концерт Чех Республикасининг Ўзбекистондаги элчихонаси, Республика Байналминал маданий маркази, “Sharq Ayoli" халқаро аёллар жамоатчилик фонди томонидан ташкил этилган.
Дастурга рассом Александр Батыковнинг китоб иллюстрациялари бўлган кичик кўргазма ва Ўзбекистон, Чехия, Словакия, Швейцария, Англия, Америка, Озарбайжон шеърияти асарлари янгровчи тақдимот концерти ҳам кирган. Улар Аделя Чилякова таржималарида жаранглайди.
Учрашувда премьераси 2016 йил 24 октябрда “Ильхом” театрида бўлиб ўтган “Аскар Швейкнинг саргузаштлари” сценарийси асосида олинган видеофильм ҳам ўрин олган.
Кечанинг ижодий дастурида мусиқачи Виталий Сафонов, Успенский номидаги Республика ихтисослашган мусиқа академик лицейи ўқувчилари ҳам иштирок этадилар.
