Тошкентда Ўзбекистон ва Хитой ўртасида дипломатик муносабатлар ўрнатилганлигининг 24 йиллигига бағишланган концерт бўлиб ўтди
Тошкент. 7 январ. ЎзТАГ – Яқинда Тошкентда Ўзбекистон Республикаси ва Хитой Халқ Республикаси ўртасида дипломатик муносабатлар ўрнатилганлигининг 24 йиллиги ва Янги 2016 йилга бағишланган концерт бўлиб ўтди, деб хабар беради Ўзбек телеграф агентлиги (ЎзТАГ).
ХХР элчихонасидан маълум қилишларича, кечани Хитой элчиси Сунь Лицзе очди ва икки мамлакат муносабатлари 1992 йил 2 январда ўрнатилганини эслатди.
“Томонлар ўртасида 2015 йил июнда имзоланган Ипак йўлининг Иқтисодий белбоғини биргаликда яратиш бўйича хужжат алоҳида ўрин тутади. Ушбу хужжат ўзбек-хитой алоқалар ва стратегик ҳамкорликни янада мустаҳкамлаш учун янги имкониятлар очади”, - деб таъкидлади Хитой элчиси.
Сунь Лицзе ўз маърузасини Ўзбекистон ва Хитойга янги йил табриклари билан якунлаб, мамлакатларга фаровонлик, икки мамлакат халқига абадий дўстлик тилади.
