Тошкентдаги фестивалда балет юлдузлари иштирок этади
![](/upload/resize_cache/iblock/381/554_300_2/381616b93c9b726b8f61dc58af734efe.jpg)
Тошкент. 3 май. ЎзТАГ – 1 майдан бошлаб Тошкентда биринчи марта балет санъати соҳасида кенг кўламли тадбир – “Palette of Ballet” (Балет жилоси) Халқаро фестивали бўлиб ўтмоқда, деб хабар беради Ўзбек телеграф агентлиги (ЎзТАГ).
2 майда Давлат катта академик театр (ДАКТ) саҳнасини фестивалнинг исроиллик қатнашчиси Vertigo dance company замонавий рақс ансамбли “One, one & one” дастури билан безади.
Фестивалнинг асосий воқеаси – Бежар Лозанна (Швейцария) балети артистлари бўлишди. Уларнинг чиқишлари 4, 5 ва 6 май кунлари бўлиб ўтади. Таниқли жамоанинг йил давомида банд бўлган ижодий жадвалидан бу кунлари Тошкентга келиш учун махсус танлаб олинди.
Яна бир жиҳат – фестиваль Тошкентга янги пластика, анъаналар, дунёқарашга эга бўлган замонавий балетнинг нафасини олиб келмоқда. ДАКТ саҳнасида маҳорат дарслари бошланиб кетди ва исроилнинг Vertigo dance company рақс ансамблининг асосчиси Ноа Вертхеймнинг тан олишича, мумтоз балет усталарига замонавий рақс тушунчасини янгидан тушунтириш керак. Аммо буни тезда тушуниш имкони бўлиб, қизиқиш жуда катта.
Фестиваль доирасида ДАКТ саҳнасида Измир опера ва балет давлат театри (бош хореограф Мехмет Болқон), Мариинск театрининг бош хонандалари Евгений Иванченко ва Анастасия Колеговалар чиқиш қиладилар.
Сурат манбаи: http://www.kultura.uz/view_4_r_9548.html