Тошкентдаги Инха университети кириш имтиҳонлари жараёнини онлайн режимда кўрсатади
Тошкент. 18 июл. ЎзТАГ – Тошкент шаҳридаги Инҳа университети (IUT) 2018 йил 19-20 июл кунлари бўлиб ўтадиган кириш имтиҳонларини онлайн режимда томоша қилишни истаганлар учун имконият яратади, деб хабар беради Ўзбек телеграф агентлиги (ЎзТАГ).
Маълумот ўрнида, IUT учинчи маротаба кетма-кет кириш имтиҳонларининг шаффофлиги ва ошкоралигини таъминлаш учун IUT махсус саҳифада ва университетнинг “Facebook”даги расмий саҳифаси орқали жамоатчилик учун онлайн режимда намойиш этишни ташкил қилмоқда.
Ҳар бир хоҳловчилар http://live.inha.uz саҳифаси орқали кириш имтиҳонларини кузатишлари мумкин. Кириш имтиҳонлари ўтказиладиган “Ўзкўргазмасавдо” залида веб-камералар ўрнатилган бўлиб, улар барча имтиҳонларни онлайн режимда намойиш этади.
Шунингдек, IUT “Facebook”даги ижтимоий тармоғидаги расмий саҳифаси - https://www.facebook.com/inha.uz орқали кириш имтиҳонларини онлайн режимда намойиш этади.
Эслатиб ўтамизки, 15 июлда Ўзбекистонда абитуриентлардан бакалавриатда ўқиш учун ҳужжатлар қабул қилиш якунланди. 2018 йилнинг 15 июнидан 15 июлигача мамлакатдаги 79 ОТМга 675049 абитуриентлардан аризалар қабул қилинди. Битта ўринга конкурс 8,3 ташкил этди.
Сурат манбаи: http://mulohaza.uz/?p=7831
