Тошкентдаги “Хувайдо” автобус бекати “қиш-ёз” русумидаги кондиционер билан жиҳозланди
Тошкент. 6 ноябр. ЎзТАГ – Тошкентдаги “Хувайдо” автобус бекати “қиш-ёз” русумидаги кондиционер билан жиҳозланди, дея хабар беради Ўзбек телеграф агентлиги (ЎзТАГ) Facebookдаги “Жамоатчилик назорати” саҳифасига асосланган ҳолда.
Қайд этиш зарурки, бу Ўзбекистон жамоатчилик транспорти тизимидаги илк шундай тажрибадир. Гуруҳ иштирокчиларининг сўзларига кўра, бекат хусусий тадбиркор Каҳрамон Жўраевнинг маблағларига қурилди.
Бекатда транспортни кутаётган йўловчилар учун скамейкалар бўлиб, бекатнинг олд ва орт томонлари ойна билан қопланган. Бекат ҳақидаги бор маълумот ана шу.
Маълумот ўрнида айтиб ўтамизки, дунёда ана шунга ўхшаш бекатлар мураккаб иқлим шароитларига эга бўлган ҳудудларда қурилади. Масалан, Дубайда юзлаб бекатлар кондиционерлар билан жиҳозланган.
