Тошкентдаги Сеул кўчаси корейс услубини ҳисобга олган ҳолда реконструкция қилинади

Тошкент. 26 июн. ЎзТАГ – Тошкентдаги Байналминал кўчаси Сеул деб қайта номланиб, корейс услубида реконструкция қилинади, деб хабар беради Ўзбек телеграф агентлиги (ЎзТАГ).

Шу муносабат билан Тошкент шаҳри ҳокимияти Сеул кўчасига сармоя киритишга тендер эълон қилди. Бу ҳақида мэрия ўзининг Фэйсбукдаги саҳифасида эълон қилди.

“Жорий йил апрелидан бошлаб ОАВни Байналминал кўчасини корейс услубида реконструкция қилиш ҳақидаги янгилик айланиб чиқди. Бу иш икки мамлакат – Ўзбекистон ва Жанубий Корея ўртасидаги дўстлик рамзи сифатида амалга оширилади. Кўчанинг ўзи Сеул деб қайта номланади. Пойтахтнинг энг чиройли проспектларидан бирига айланувчи Бешёғочдан Оқтепа чорраҳасигача бўлган қисми реконструкцияга тушади”, - дейилади хабарда.

Кўчанинг ташқи кўриниши ўзбек ва корейс маданиятининг уйғунлигини акс эттиради ва икки халқ маданияти орасидаги ўзига хос кўприк бўлади. Бу ишлардан кўзланган асосий мақсадларидан бири – икки халққа хос бўлган ранглар жилваси, рамзлар, ландшафт элементлари ва бошқалардан келиб чиққан ҳолда ягона композицияни яратишдир. Бу ўринда инсон ва унинг атрофидаги олам уйғунлиги асосий рамз бўлиб хизмат қилади. Ҳозирда янги реконструкция лойиҳаси устида Жанубий Кореядан таклиф этилган мутахассислар ва Ўзбекистон архитекторлари биргаликда меҳнат қилишмоқда.

Сурат манбаи: https://kun.uz/ru/news/2018/04/06/ulicu-bajnalmilal-goroda-taskenta-pereimenuut-na-seul