Тошкентдаги яна икки автобус йўналишларида бепул Wi-Fi йўлга қўйилади
Тошкент. 5 феврал. ЎзТАГ – Тез орада Тошкентдаги яна икки автобус йўналишлари: 51- ва 28-йўналишлара бепул Wi-Fi йўлга қўйилади, деб хабар беради Ўзбек телеграф агентлиги (ЎзТАГ).
“Тошшахартрансхизмат” компаниясидан маълум қилишларича, интернет-хизмат йўлга қўйилган ҳар бир автобус эшикларига махсус эълон ёпиштирилади, унда автобусда Wi-Fi борлиги ҳақида ахборот берилади. Фойдаланувчилар ўз мобиль қурилмаларида мавжуд тармоқ номини кўришлари ва унга мутлақо бепул уланишлари мумкин бўлади.
Компания жамоат транспортларида 4G LTE технологиялари асосида янги интернет-хизматларни ҳам тақдим этишни режалаштирган.
Йил давомида компания маршрут автобусларининг кўпчилигини Wi-Fi билан жиҳозлашни ҳам режага киритган.
Бундан олдинроқ ЎзТАГ Wi-Fi алоқаси пойтахтдаги 14- автобус йўналишида пайдо бўлгани ҳақида маъолум қилган эди.