Тошкентдаги янги ҳорижий олий ўқув юрти илк талабаларини октябрда қабул қилиб олади
Дата: 16:31, 09-04-2014.
Тошкент. 9 апрель. ЎзТАГ – Тошкентда очилаёттган Инха университетига кириш имтихонлари июлда бўлиб ўтади, дея хабар беради Газета.uz.
Абитуриентлар тест ва суҳбатдан ўтадилар. Университетга қабул ҳақидаги эълон шу ойда эълон қилиниши керак. Апрель-июль ойларида абитуриентлар учун тайёрлов курслари ташкил этилади. Хужжатлар июнь-июль ойларида қабул қилиб олинади. Ўқиш эса 2014 йилнинг 1 октябридан бошланади.
Эслатиб ўтамиз, Жанубий Кореянинг Инха университети Ўзбекистон Президентининг 2014 йил 24 мартдаги қарорига асосан ташкил этилмоқда.
Бу ерда компьютер инжиниринги, дастурий инжиниринг ва компьютер тармоқлари инжиниринги бўйича мутахассислар тайёрланади.
