Тошкентдаги “Ўзэкспомарказ”да уч кўргазма иш бошлайди
Дата: 15:01, 02-03-2016.
Тошкент. 2 март. ЎзТАГ – Бугун “Ўзэкспомарказ”да уч алоҳида павильонда уч ихтисослашган кўргазмалар, жумладан, мамлакатнинг энг йирик қурилиш кўргазмаси UzBuild иш бошлайди, деб хабар беради Ўзбек телеграф агентлиги (ЎзТАГ).
Мутахассислар UzBuild қурилиш кўргазмаси, Aqua-Therm Tashkent иқлим ускуналари ва сув таъминоти кўргазмаси ва мебел ва ёғочга ишлов бериш бўйича MebelExpo Uzbekistan тадбири иштирокчилари экспонатлари билан танишишлари мумкин.
ITE Uzbekistan бош директори Нигора Ҳасанованинг таъкидлашича, кўргазмаларда 300 атрофида компания қатнашади. Фақат 17 марта ўтказилаётган UzBuild кўргазмасида 19 мамлакатдан 140 компания қатнашмоқда. Кўргазмада илк маротаба Россиянинг Киров вилоятидан жамоавий гуруҳ иштирок этмоқда.
