Тошкентдаги жаҳон чемпионатида FILA президенти қайта сайланди
Тошкент. 8 сентябр.ЎзТАГ – Тошкентдаги эркин кураш, аёллар ва грек-рим кураши бўйича жаҳон чемпионатида Бирлашган кураш услублари халқаро федерацияси конгресси доирасида FILA президенти Ненад Лалович қайта сайланди, дея хабар беради Ўзбек телеграф агентлиги (ЎзТАГ).
“Тадбирнинг марказий мақсаларидан бири Бирлашган кураш услублари халқаро федерациясининг янги президентини сайлаш бўлди. Барчанинг қарори билан ташкилотнинг янги президенти этиб Ненад Лалович сайланди. У ушбу лавозимда швейцариялик Рафаэль Мартинетти ўрнини эгаллади”, - деб таъкидлашди Ўзбекистон Спорт курашлари ассоциацияси матбуот хизматида.
“Мен ўзимни худди уйимдагидай ҳис қилмоқдаман, бу менинг Ўзбекистонга олтинчи марта келишим. Менинг қайта сайланишим бир йил ичида курашни олимпиа спорт тури сифатида сақлаб қолиш бўйича улкан ишлар амалга оширилганлигини англатади. Аммо ҳали олдинда ишлар кўп, курашни янада қизиқарлироқ қилиш зарур. Стратегик мақсад – олимпиа спорт турлари орасида кафолатли қолишдан иборат”, - деди ЎзТАГ мухбирига Ненад Лалович.
