Тошкентга россиялик медиаэкспедиция ташриф буюрди

Тошкент. 30 апрел. ЎзТАГ – 29 апрелда Тошкентда Россия халқаро медиаэкспедицияси билан 9-май арафасида ташкил этилган учрашув бўлиб ўтди, деб хабар беради Ўзбек телеграф агентлиги (ЎзТАГ).

Россотрудничествонинг хабар қилишича, тадбир доирасида “Мангу олов” пойига гуллар қўйиш маросими, шунингдек, тантанали митинг ва қадимий автомобиллар кўргазмаси ҳам бўлиб ўтди.

Акцияда Россия Федерациясининг Ўзбекистондаги Владимир Тюрденев элчиси, Россотрудничествонинг Ўзбекистондаги ваколатхонаси раҳбари Виктор Шулика, Ўзбекистон Республикаси Маданият вазирлиги вакиллари, Иккинчи жаҳон уруши фахрийлари, фронти фахрийлари, Ўзбекистон ёшлар иттифоқи аъзолари қатнашдилар.

Медиаэкспедиция “Ёш гвардия” Бутунроссия жамоат ташкилотининг вилоят филиали - Югра ва Ханти-Мансийск мухтор округи Думаси қошидаги Ёшлар парламенти ташаббуси томонидан ташкил этилган.

Тадбир тўрт МДҲ давлати – Россия, Қозоғистон, Қирғизистон ва Ўзбекистон ҳудуди орқали ўтади. Ўзбекистонда экспедицияси Тошкент ва Самарқандни зиёрат қилади.

Автосафарни 9 май санасига бағишлаган иштирокчилар учрашувларда жамиятнинг эътиборини тарихни қалбакилаштириш мумкин эмаслигига қаратишни ўз олдига мақсад қилиб қўйганлар.

Сурат манбаи: http://megion.bezformata.ru/listnews/uchastnikov-mediaekspeditcii-pobeda/66374650/