Тошкентлик талаба микроскопни такомиллаштирди
Тошкент. 27 май. ЎзТАГ – Тошкент давлат техника университети талабаси лаборантлар меҳнатини сезиларли даражада осонлаштирувчи ва ўқувчи ва талабаларнинг ўқиш жараёнини имкониятларини кенгайтирувчи компьютерлашган микроскоп яратиш схемаси ишлаб чиқди, дея хабар беради anhor.uz нашри.
Яқин орада ихтирога патент олинади ва у кенг жамоатчиликка тақдим этилади
“Аслида бизнинг лойиҳа азалдан мавжуд бўлган ва илмий ишлар ва таълимда кенг қўлланадиган микроскопни чуқур такомиллаштириш йўли билан яратилди. Бир неча синовдан кейин буни тўлақонли ихтиро дейиш мумкин бўлади. Микроскоп барча олинган маълумотларни хотирасида сақлаган ҳолда автоном ҳолда ишлаши, олинган материалларни электрон почта орқали жўнатиши ва уларни интернетда реал вақт давомида тасвирга чиқариши мумкин. Бундан ташқари ҳам у бир неча ўзига хосликларга эга бўлиб, улар ҳақида ҳозирча айта олмаймиз”,- деди ихтирочи.
Ишланманинг нархи хорижий муқобиллариникига қараганда бир неча маротаба арзон бўлиши кутилмоқда.
