Тошкентнинг беш кинотеатри “ДЭДПУЛ” жангари фильмини кўрсатишдан кўнгилли равишда вос кечди

Тошкент. 15 феврал. ЎзТАГ – Маҳаллий ОАВ хабарларига кўра, Тошкентнинг беш кинотеатри Тим Миллернинг “ДЭДПУЛ” фантастик жангари фильмини кўрсатишдан кўнгилли равишда вос кечди, деб хабар беради Ўзбек телеграф агентлиги (ЎзТАГ).

Хабарларга кўра, ушбу масала юзасидан “юқоридан” ҳеч қандай тавсиялар берилмаган. Кинотеатрлар буни ёш чекловлари билан изоҳлаганлар. “Дэдпул” бизда кўрсатилмайди, негаки у ёш чекловларига эга ва жамиятимиздаги одоб-ахлоқ меъёрларига мос келмайди”, - деб иқтибос келтиради ОАВ MegaCinema кинотеатри менежерининг сўзларидан.

“Ўзбеккино” давлат агентлиги, ўз навбатида, фильм прокати ҳақидаги қарор фақат кинотеатр маъмурияти томонидан қабул қилинишини таъкидлаб ўтди. “Биз кинотеатрларга фильмларни намойиш қилиш учун лицензия берамиз, лекин репертуар кинотеатрларнинг ўзлари томонидан тузилади”, – деб таъкидлашди муассасада.

Аслида кинотеатрларнинг у ёки бу кинофильмни кўрсатишдан кўнгилли вос кечиши тез тез учраб туради. Масалан, Россияда бир йил олдин Кавказда “Кулрангнинг 50 ранги” лентаси юқоридаги сабабларга кўра намойиш қилинмаган эди.

Эслатиб ўтамизки, “ДЭДПУЛ” Marvelнинг ёш рейтингига эга бўлган фильмларидан бири. Шу сабабли лентани Хитойда намойиш қилиш таъқиқланди.