Тошкентнинг бош имам-хатиби аҳолини электр ва газ учун ҳақ тўлашга чақирди
Дата: 18:00, 29-06-2017.
Тошкент. 29 июн. ЎзТАГ – Тошкентнинг бош имам-хатиби Анвар Турсунов аҳолини электр ва газ учун ҳақ тўлашга чақирди, деб хабар беради Ўзбек телеграф агентлиги (ЎзТАГ).
А. Турсунов ушбу чақирувни 28 июнда Халқаро Пресс-клуб йиғилишида қилди.
“Баъзи (кишиларнинг) умра ва ҳажга бораётгани, лекин электр учун ҳақ тўламаслигига таажжуб қиламан. Биргина нурни етказиш учун қанча одам меҳнат қилади, бир ўйлаб кўринг. Агар уйда ярим соат ток бўлмай қолса, ҳатто китоб ҳам ўқий олмай қоламиз, бутунлай ташқи дунёдан узилиб қоламиз. Бунинг ҳақини тўламаслик – бу ўғриликдир”, - деди у.
