Тошкентнинг Caravan ресторани Travel.ru рейтингида 6-ўринни эгалади

Тошкент. 1 декабр. ЎзТАГ – Тошкентнинг Caravan ресторани МДҲнинг энг яхши ўн ресторанлари рейтингида 6-ўринни эгалади, дея хабар беради Ўзбек телеграф агентлиги (ЎзТАГ).

Рейтинг сайёҳларга мўлжалланган Travel.ru порталида жойлаштирилган.

Рейтингга миллий таомлар таклиф қилувчи ресторанлар кирган бўлиб, у ташриф буюрувчиларнинг интернетдаги фикрлари ва портал фойдаланувчиларининг мулоҳазалари асосида тузилган. Бундай ресторанда тушлик қилиш $10 камга тушади.

15 йил илгари очилган Caravan ресторани Тошкентнинг фавворалари сингари шаҳарнинг таниқли жойлари сирасига киради. Caravan ресторани ўзбек ошхонаси таомлари бўлган гўштли манти (4 минг сўм), қўй гўштидан қилинган чучвара (12,9 минг сўм) ва “байрам оши” каби (22,8 минг сўм) каби таомларни таклиф қилади. Ресторанда санъат-галереяси бўлиб, бу ерда Ўзбекистонлик уста ва чеварлар томонидан яратилган этник буюмлар мавжуд.

Бундан ташқари, МДҲнинг энг яхши 10 ресторанлари сирасига Тайказан (Астана), Васильки (Минск), Таверна Ереван (Ереван), Му-Му (Москва), Firuze (Баку), Ала-Тоо (Бишкек), Козачок (Киев), Basarabia (Кишинев) ва Мама Рома (Санкт-Петербург) ресторанлари кирди.