Тошкентнинг “Пахтакор” клуби мамлакат кубоги учун ўйинларни бошлайди

Тошкент. 17 апрель. ЎзТАГ – Чемпионат етакчиси – Тошкентнинг “Пахтакор” жамоаси футбол бўйича Ўзбекистон кубоги учун ўйинларни бошлайди. 18 апрель куни жамоанинг биринчи рақиби Урганчнинг “Хоразм” жамоаси бўлади, дея хабар берадиЎзбек телеграф агентлиги (ЎзТАГ).
“Кубок 1/16 финали доирасидаги ўйин “Хоразм”нинг ўз стадионида бўлиб ўтиши керак эди. Лекин жамоалар келишган ҳолда уни пойтахтдаги «Пахтакор» стадионида ўтказишга қарор қилишди. Шундай қилиб, Мансур Давлетов (“Хоразм” тренери) шогирдлари ўйинни мезбон сифатида ўтказадилар. Турнирнинг ўтган босқичида “Хоразм” “Орол” жамоаси билан ўйнаган ва 4:2 ҳисобида ғолиб чиққан эди”, - деб таъкидлашди пойтахт жамоаси матбуот хизматида.