Тожик археологлари узунлиги 2,5 метрлик одам скелетини топишди
Дата: 14:23, 10-09-2014.
Тошкент. 10 сентябр. ЎзТАГ – Ўтган ҳафта тожик археологлари Хатлон вилоятининг Фархор туманида (Тожикистон) узунлиги 2,5 метр бўлган одам скелетини топдилар, деб хабар қилади Тожик телеграф агентлиги (ТожикТА) Радио Озодига асосланган ҳолда.
Топилма бундан икки ой олдин қазилган қадим шаҳар қолдиқлари орасидан 10 метр чуқурликдан топиб олинди.
“Скелет қироллик тожи, қилич, Будда ҳайкали ва бронза ойна билан биргаликда кўмилган”, - деб хабар қилди Фархор тумани музейи директори Азизулло Муродов.
Унинг сўзларига кўра, археологлар топилмани Тожикистон Фанлар академиясига топилма ёшини аниқлаш учун жўнатганлар.
Маълумотларга кўра, ушбу жойда қазиш ишлари икки йилдан бери амалга оширилмоқда.
