Тожикистонда баъзи провайдерлар томонидан қатор интернет-сайтлар ва Facebook блокланди
Тошкент. 6 октябр. ЎзТАГ - Тожикистонда баъзи провайдерлар томонидан қатор интернет-сайтлар ва Facebook блокланди, деб хабар қилади Тожик телеграф агентлиги (ТожикТА) душанба куни.
Қатор провайдерларнинг хабарларига кўра, 4 октябр куни уларнинг баъзиларига деярли уч юз сайт, шу жумладан, россия сайтлари, Facebook ижтимоий тармоғи, Википедияга киришни блоклаш, шунингдек, блокланган порталларга кириш имкониятини берувчи ресурслардан фойдаланиш имкониятини блоклаш талаби қўйилган.
Шунингдек 4 октябр куни Тожикистон шимолида мобил 3G-модемлар орқали интернетга чиқиш имконияти ҳам тўлиқ узиб қўйилди. Интернетга фақат 2 провайдернинг ADSL-мoдeмлари орқали чиқиш мумкин эди.
“Бугун Тожикистон Алоқа хизмати интернет билан боғлиқ ҳолатни расман шарҳлайди”, - деди агентликка ТР Алоқа хизматидаги манба.
РФ баъзи ахборот агентликлари маълумотларига кўра, экспертлар ушбу ҳолнинг Facebookда 10 октябр куни норозлик митингига чиқиш ҳақидаги чақириқ пайдо бўлганлиги билан изоҳламоқдалар.
Эслатиб ўтамизки, 2014 йилнинг августида тожик парламенти ҳукуматга “фавқулодда ҳолат” эълон қилинганда аҳолининг интернет ва мобил алоқадан фойдаланиш имкониятини чегаралаб қўйишга рухсат берди.
