Тожикистонда ЎИҲ ва “Жамаат Ансаруллах”нинг 10 аъзоси ушланди
Дата: 12:02, 30-01-2015.
Тошкент. 30 январ. ЎзТАГ – Тожик милицияси Ўзбекистон ислом ҳаракати (ЎИҲ) ва “Жамаат Ансаруллах”нинг 10 атрофида аъзосини ушлади, дея хабар қилади Афғон телеграф агентлиги (АфТАГ).
Бу ҳақида 27 январда Тожикистон давлат телевидениесининг кечги кўрсатувида хабар қилинган. Барча гумондорлар Сўғд вилоятининг Исфара туманига мансуб кишилардир.
Милиция маълумотларига кўра, қўлга олинганлар экстремистик ғояларни тарқатганлар ва ўз ташкилотларини молиялаштириш билан шуғулланганлар.
Хибсга олинганлардан иккитаси телевидение орқали камерада ўтирган ҳолатда кўрсатилган. Улар чет элда ишлаб юрган пайтда экстремистик гуруҳга кирганликларини тан олганлар. Уларнинг мақсади “ҳалифат” қуриш ва ғайридинлар билан кураш бўлган.
