Тожикистонда парламент сайловларининг иккинчи тури ўтказилмайди – МСК
Дата: 12:04, 04-03-2015.
Душанбе. 4 март. ЎзТАГ – Тожикистонда парламент сайловларининг иккинчи тури ўтказилмайди, дея хабар беради Тожик телеграф агентлиги (ТожикТА).
“Тожикистон парламенти қуйи палатасига сайловлар бўйича ташкил этилган 41 бирмандатли сайлов округларининг ҳеч бирида овоз беришнинг иккинчи тури ўтказилмайди”, - деб хабар беришди агентликка чоршанба куни ТР МСК маъмуриятида.
Барча бирмандатли округларда 1 март куни бўлиб ўтган сайловларда сайлов ғолиблари аниқлангани таъкидланди.
Бугун МСК мамлакат бешинчи чақириқ Мажлиси намояндагон Мажлиси Оли депутатлари якуний таркибини эълон қилади.
