Тожикистонда Ўзбекистоннинг бирданига иккита компанияси ўз ваколатхоналарини очмоқда

Тошкент. 12 сентябр. ЎзТАГ – Тожикистонда Ўзбекистоннинг бирданига иккита давлат компаниялари - Кичик бизнес ва хусусий тадбиркорлик субъектлари экспортини қўллаб-қувватлаш фонди, шунингдек, “Ўзтрейд”, деб хабар қилади сешанба куни Тожик телеграф агентлиги (ТожикТА).

Миллий банк таркибига кирувчи фонд “кичик иқтисодиёт” субъектлари маҳсулотларини илгари суриш учун ваколатхона очади, дея хабар беради маҳаллий оммавий ахборот воситалари. Яқинда тожикистонлик ҳамкорлар билан музокаралар якунлари бўйича қурилиш материаллари, хусусан, иссиқлик изоляцияси материаллари, алюминий фольгали стекловата, қуруқ қурилиш қоришмалари ва бўёқ маҳсулотлари ва ПВХдан линолеум етказиб бериш бўйича шартномалар имзоланди.

“Шартномаларнинг умумий қиймати $1 млндан ошди. Бундан ташқари, етказиб берилаётган маҳсулотлар номенклатурасини кенгайтириш учун тожикистонлик ҳамкорлар билан тайёр тўқимачилик буюмлари, кирсовун, сантехника маҳсулотлари, гипсдан тайёр маҳсулотлар, ПВХдан қувурлар ва хусусий тадбиркорларнинг бошқа маҳсулотларини экспорт қилиш бўйича музокаралар олиб борилмоқда”, - деб таъкидлади фонддаги манба.

Очилаётган “Ўзтрейд Тожикистон” савдо уйи ўзбек маҳсулотлар экспорт етказиб бериш ҳажмини ошириш ва маҳаллий бозорида уларнинг мавқеини мустаҳкамлаш билан шуғулланади.

Августда Ўзбекистон Ташқи савдо вазирлиги қошидаги “Ўзтрейд” халқаро ташқи савдо компанияси яна уч савдо уйларининг очилгани ҳақида эълон қилди. Улар Москва (“ЎзТрейд ЛМ”), Латвия ва Деҳлида ишлай бошлади.

Сўнгги йилларда Ўзбекистон ва Тожикистон ўртасидаги алоқалар анча илиқлашди. Узоқ вақтдан кейин тўғридан-тўғри авиаалоқа йўла қўйилди, икки мамлакат товарларининг миллий кўргазмалари бўлиб ўтди. Айни пайтда ҳукуматлари ва идоралар даражасида, ҳуқуқни муҳофаза қилиш ва хавфсизлик тузилмалари ўртасида алоқалар фаоллашди.