Туннел қурилиши Хитойнинг Ўзбекистондаги энг йирик лойиҳаси бўлди
Дата: 13:20, 15-07-2014.
Тошкент. 15 июл. ЎзТАГ – Наманган вилоятида ялпи узунлиги 19,2 км ва қиймати $455 млн бўлган туннелнинг қурилиши ўзбек-хитой иқтисодий ҳамкорлигининг энг йирик лойиҳаси бўлди, дея хабар беради Ўзбек телеграф агентлиги (ЎзТАГ).
“Ангрен-Поп” ўзбек темир йўл туннели ҳозирги пайтда хитойлик компания томонидан Марказий Осиёда қурилган энг узун ер ости йўли ҳисобланади. China Railway Tunnel Group компанияси маълумотларига кўра, ушбу шартнома мазкур компаниянинг биринчи хорижий лойиҳаси бўлди. Лойиҳани амалга ошириш 2013 йил сентябрда бошланган бўлиб, қурилиш уч йилга мўлжалланган. Туннелни фойдаланишга топшириш 2016 йилнинг 1 августига мўлжалланган.
