Турк компанияси Олмалиқ ТМК цемент заводини кенгайтиради
Дата: 11:28, 30-03-2015.
Тошкент. 30 март. ЎзТАГ – Олмалиқ тоғ-металлургия комбинати туркиянинг “Dal teknik makina tigaret ve sanayi A.S.”компанияси билан Жиззах вилоятидаги цемент заводи қувватларини кенгайтириш бўйича шартнома имзолаш жараёнини якунламоқда, дея хабар беради Ўзбек телеграф агентлиги (ЎзТАГ).
“Шартнома лойиҳа технологик қисми ишчи хужжатларини ишлаб чиқиш, ускуналар етказиб бериш, қурилиш ва созлаш ишларини тўлиқ якунлаш кабиларни кўзда тутади. Булар бари завод қувватини йилига 1 млн. тоннага етказишга имкон беради”, – деб таъкидлашди Олмалиқ ТМК матбуот хизматида.
Мазкур завод ўтган йили март ойида ишга туширилган эди. Унинг қуввати йилига 350 минг тонна оқ цемент ёки 760 минг тонна портландцемент ишлаб чиқаришга тенг.
