Туркиянинг “Трабзонспор” жамоаси Ўзбекистон термаси ҳимоячисига қизиқиш билдирмоқда
Дата: 15:48, 23-06-2015.
Тошкент. 23 июн. ЎзТАГ – Туркиянинг “Трабзонспор” жамоаси Ўзбекистон термаси ва москванинг “Локомотив” клуби ҳимоячиси Виталий Денисовга қизиқиш билдирмоқда, деб хабар беради Ўзбек телеграф агентлиги (ЎзТАГ).
2013 йилнинг январидан бери Денисов москванинг “Локомотив”и учун ўйнайди. Унинг жамоа билан шартномаси муддати 2015 йил декабрда ниҳояга етади.
uff.uz маълумотларига кўра, турк клуби шундан фойдаланган ҳолда Ўзбекистон термаси ўйинчисини сотиб олмоқчи.
Эслатиб ўтамизки, 2014 йил сўнгида испаниянинг “Вильярреал” клуби В.Денисовга €5 млн таклиф қилган, лекин москва клубининг спорт директори Кирилл Котов 28 ёшли хужумчи “темирйўлчилар” сафида ўйнашни давом эттиришини маълум қилган эди.
