Туркманистон президенти Мустақиллик ва эзгулик монументи пойига гул қўйди

Тошкент. 24 апрел. ЎзТАГ – Туркманистон президенти Гурбангули Бердимуҳамедов Тошкентдаги Мустақиллик ва эзгулик монументи пойига гул қўйди, деб хабар беради Ўзбек телеграф агентлиги (ЎзТАГ).

“Ўзбекистон Президенти Шавкат Мирзиёев ва Туркманистон Президенти Гурбангули Бердимуҳамедов Мустақиллик майдонига ташриф буюрди. Олий мартабали меҳмон ҳурриятимиз, порлоқ истиқболимиз ва эзгу ниятларимиз рамзи бўлган Мустақиллик ва эзгулик монументи пойига гул қўйди”, - дейилади давлат раҳбари матбуот хизматининг хабарида.

Шундан сўнг қайд этилишича, Гурбангули Бердимуҳамедов Ўзбекистон Республикасининг Биринчи Президенти Ислом Каримов ҳайкалига ҳам гулчамбар қўйди. Буюк давлат арбобининг ёрқин хотирасига ҳурмат бажо келтирди.

Сурат манбаи: https://uzreport.news/society/prezident-turkmenistana-vozlojil-tsveti-k-monumentu-nezavisimosti-i-gumanizma