“Туронбанк” 2014 йил биринчи чораги натижаси бўйича 5,13 млрд сўм соф фойда олди

Тошкент. 22 апрель. ЎзТАГ – “Туронбанк” очиқ акционерлик тижорат банки 2014 йилнинг биринчи чораги натижалари бўйича 5,13 млрд сўм ($2,26 млн) соф фойда олди, дея хабар беради Ўзбек телеграф агентлиги (ЎзТАГ).
Банк матбуот хизмати маълумотига кўра, 2014 йилнинг 1 апрелига келиб банк активлари қиймати 637 млрд сўмни ($280,4 млн) ташкил қилган, низом капитали 40 млрд сўмни ташкил этган ва оддий (83,9%) ва имтиёзли (16,1%) акцияларга бўлинган.
Жорий йилнинг уч ойи давомида банк 452 млрд сўмлик ($199 млн) кредитлар берган, шунингдек, 14,65 млрд сўмлик ($6,45 млн) лизинг операцияларини амалга оширган.
Иккинчи чорак бошига келиб “Туронбанк” 22,97 млрд сўмлик ($10,11 млн) тақсимланмаган фойдага эга. “Туронбанк” Ўзбекистоннинг йирик банкларидан ҳисобланади ва 17 филиал ва 28 мини-банкдан иборат тармоққа эга.