“Туронбанк” ўзбек банки рейтинги “Standard & Poor's” томонидан тасдиқланди

Тошкент. 15 август. ЎзТАГ – Ўзбекистондаги “Туронбанк” очиқ акционерлик тижорат банкининг кредит рейтинги “Standard & Poor's” халқаро рейтинг агентлигининг “В-/С” даражасидаги “Барқарор”прогнози билан тақдиқланди, дея хабар қилади Ўзбек телеграф агентлиги (ЎзТАГ).

Банкдан хабар қилишларича, ушбу юқори рейтинг банк молия натижаларининг барқарорлиги, бошқарувчиларнинг юқори малакасини англатади. Шунингдек, у “Туронбанк” ОАТБ капитализациянинг етарлилигини, сифатнинг доимий оширилиб борилаётганлиги ва банк мақоми мустаҳкамланаётганлигини билдиради.

2013 йилда банк активлари 618,866 млрд сўмни ташкил қилди, соф операцион даромад икки бараварга ўсди ва 34,751 млрд сўмга тенг бўлди.

Ўтган йилнинг охирига келиб банк акционерлик капитали 42,801 млрд сўмга, ўз капитали миқдори 47,063 млрд сўмга тенглашди.

Эслатиб ўтамизки, “Туронбанк” ОАТБ Ўзбекистоннинг йирик банкларидан бири бўлиб, аҳолига кенг турдаги банк хизматларини кўрсатиш билан шуғулланади. Банк республиканинг барча вилоятларида 17 филиал ва 28 мини-банкдан иборат тармоққа эга.