Ҳуқуқни муҳофаза қилиш органлари Фарғона политехника институти деканини пора учун қўлга олдилар
Ташкент. 13 июл. ЎзТАГ – Фарғона вилояти ҳуқуқни муҳофаза қилиш органлари томонидан Фарғона политехника институтининг Механика факультети декани пора олаётган пайтида қўлга олинди, деб хабар беради Ўзбек телеграф агентлиги (ЎзТАГ).
“54 ёшли Икромали Каримов $7 минг миқдорида пора олаётган пайтида ашёвий далиллар билан бирга қўлга олинди”, - деб таъкидлади куч тизимларидаги манба.
Унинг сўзларига кўра, Каримов абитуриент қиздан пул маблағларини Фарғона политехника институтига киришда кўмаклашиш учун олаётган бўлган. Тергов жараёнида у институт қабул комиссияси аъзоси бўлиб, абитуриентларнинг хужжатларини қалбакилаштиргани ва тестларда улар ўрнида бошқа ёлланма шахсларнинг иштирокини ташкил қилгани аниқланди.
Ушбу факт юзасидан Ўзбекистон Жиноят кодексининг тегишли моддалари бўйича жиноят иши очилди.
