Ҳудудларда Cyber Security Challenge Uzbekistan иштирокчиларини бошланғич саралаб олиш бошланди
Тошкент. 26 май. ЎзТАГ – 18 майдан 10 июлга қадар етти вилоятда киберхавфсизлик соҳасидаги илк танлов бўлган Cyber Security Challenge Uzbekistan 2016 доирасида маҳорат дарслари ва иштирокчиларини бошланғич саралаб олиш ишлари бўлиб ўтади, деб хабар беради Ўзбек телеграф агентлиги (ЎзТАГ).
Ёшлар ташаббуслари марказидан хабар беришларича, тадбирлар Самарқанд, Фарғона, Бухоро, Навоий, Хоразм, Қашқадарё вилоятлари ва Тошкентни қамраб олган.
Cyber Security Challenge Uzbekistan очиқ танловида 15дан 30 ёшгача бўлган барча амалиётчи мутахассислар қатнашишлари мумкин.
Иштирокчилар 15 июнгача рўйхатдан ўтишлари мумкин.
Конкурс дастури саралаш ва онлайн-синов, таълим тренинглари, маҳаллий ва хорижий соҳа мутахассисларининг маҳорат дарслари, киберквест ва финал CTF-турнирни ўз ичига олган.
Бошланғич бўлимдаги вазифани яхши бажарган иштирокчилар онлайн-синовдан ўтган даъвогарлар сафига қўшилади.
Бу босқичда энг юқори баллар олган танлов иштирокчилари кейинги тур – киберквестга ўтадилар. У Тошкентда июлнинг иккинчи ўн кунлигида бўлиб ўтади.
Турнирнинг соврин жамғармаси 30 млн сўмни ташкил этади. Хусусан, халқаро антивируслар дастурини ишлаб чиқувчи ESET компанияси ва тармоқ технологиялари ишлаб чиқиш соҳасида фаолият юритувчи трансмиллий CISCO компанияси чемпионатга ҳомийлик қилмоқда.
$1 = 2919,35 сўм
