Уимблдон-2015 турнирининг аёллар ўртасидаги финалчиларини аниқлаш мушкул эмас, лекин спортда ҳаммаси бўлиши мумкин
Тошкент. 9 июл. ЎзТАГ - Уимблдон-2015 турнирининг аёллар ўртасидаги финалчиларини аниқлаш мушкул эмас, лекин спортда ҳаммаси бўлиши мумкин, деб хабар беради Ўзбек телеграф агентлиги (ЎзТАГ).
Бугунги яримфинал ўйинларидан кейин мусобақа финалида испаниялик Гарбинье Мугуруса ва америкалик Серена Уильямслар учрашадилар.
Нега дейсизми?
Аслида Гарбинье Мугуруса - Агнешка Радваньская жуфтлигида поляк теннисчиси жаҳон рейтингида юқорида туради: агар испаниялик қиз 20-ўринда бўлса, унинг польшалик рақибаси 13-ўринда. Аммо теннисчиларнинг беллашувга тайёрлигини ҳисобга олган ҳолда айнан бугун, 9 июлда испаниялик теннисчи қиз ғалаба қилади, деб тахмин қилиш мумкин.
Серена Уильямс - Мария Шарапова жуфтлигида эса америкалик теннисчи расман ва амалиетда кучлироқ. Гап шундаки, Уильямс ўтган ўйинда ҳақиқий чемпионлик характерини кўрсатди. У белорусиялик Виктория Азаренко билан баҳсда Виктория барча томонлардан олдинда бораётган ўйинни ўз фойдасига ҳал қилишга мувоффақ бўлди. Айни пайтда, россиялик теннисчи барқарор ўйнамаяпти ва бир баҳсда ғалаба қилса, иккинчисида бой бермоқда.
Хуллас, аёллар теннисида ҳамма нарса бўлиши мумкин.
Эслатиб ўтамизки, Уимблдон турнири (The Championships, Wimbledon) – Катта дубулға сериясига кирувчи тўрт турнирдан бири бўлиб, асос солинганидан бери Бутунинглиз лаун-теннис ва крокет клубининг (Уимблдон, Буюк Британия) чимли кортларида ўтказилади. Турнирнинг асосий баҳслари июн охири – июл бошида тўққиз разряд бўйича ўтказилади (катталар ўртасида бешта, ўсмирлар ўртасида тўртта).
Турнир ташкилотчиси – Британия лаун-теннис ассоциацияси. 1988 йилдан бери ушбу мусобақа сериядаги чимли кортларда ўтказиладиган ягона мусобақадир.
