Уинстон-Сэйлем турнирининг иккинчи доирасида Денис Истомин Жо-Вильфрид Тсонгага жиддий қаршилик кўрсатди

Дата: 15:29, 26-08-2015.

Тошкент. 26 август. ЎзТАГ – Уинстон-Сэйлем турнирининг иккинчи доирасида Ўзбекистоннинг биринчи ракеткаси Денис Истомин Жо-Вильфрид Тсонгага жиддий қаршилик кўрсатди, лекин кейинги босқичга чиқа олмади, деб хабар беради Ўзбек телеграф агентлиги (ЎзТАГ).

Жаҳоннинг 69- ва 19- ракеткаларининг кеча бўлиб ўтган баҳси 7:5, 4:6, 1:6 ҳисобларида француз теннисчиси фойдасига ҳал бўлди.

Олдин хабар қилингани каби, Истомин Жо-Вильфрид Тсонгани енгганида бошқа француз – жаҳоннинг 11- ракеткаси Жил Симон билан учрашар эди. Лекин Симоннинг ўзи ҳам кескин курашда уч тай-брейкда британиялик Альянж Беденега ўйинни бой берди.

Эслатиб ўтамизки, Уинстон-Сейлем Очиқ чемпионати АҚШдаги шу номли шаҳардаги қаттиқ кортларда ўтказиладиган эркаклар халқаро профессионал теннис турниридир. У АҚШдаги Уэйк-Форест университетида ёз ойларида бўлиб ўтади. Соврин жамғармаси $598 минг бўлган мусобақа 2011 йилдан бери ATP 250 сериясига киради. Турнир яккаликда беллашувчи 48 спортчига мўлжалланган.

Мусобақанинг яккалик соврини US Open Series ҳисобига кириб, АҚШ Очиқ чемпионати турнирлари сериясини якунлайди.

Янгилик билан ўртоқлашиш: