Ҳукумат йирик телекоммуникация операторига қатор имтиёзлар берди

Тошкент. 25 март. ЎзТАГ – Ўзбекистон ҳукумати “Ўзбектелеком”акционарлик компаниясининг миллий уяли алоқа оператори тармоғини тезкор ривожлантириш учун шароитлар яратишга қаратилган бирқатор тадбирларни тасдиқлади, дея хабар беради Ўзбек телеграф агентлиги (ЎзТАГ).
“Эндиликда “Ўзбектелеком” 5 йил давомида уяли алоқа тармоқларини лойиҳалаш, қуриш, эксплуатация қилиш ва уяли алоқа хизматларини кўрсатиш ҳуқуқини берувчи лицензия учун давлат божини тўлашдан озод қилинди” – деб қайд этди “Ўзбектелеком” АК манба.
Ушбу маблағлар “Ўзбектелеком”нинг ҳозирда ташкил этилаётган “Узмобайл” миллий уяли алоқа оператори тармоғини ривожлантиришга йўналтирилиши лозим.
Режага кўра, жорий йилнинг ўзида миллий оператор Тошкентда 1020 асос атанциялари, 500 комплект радиореле ускуналари, коммутацион станция ва 2 млн. рақамга мўлжалланган биллинг тизимини ўрнатиши керак.
2015 йилда тармоқ бутун вилоят марказларини қамраб олади, бу ерда 8 млн. рақамга мўлжалланган 1994 асос станция, 2000 комплект радиореле ускуналари ўрнатилади. 2017 йил охиригача янги компания қолган аҳоли пунктларини қамраб олади ва бу жойларда 3986 асос станция ва 4000 комплект радиореле ускуналари ўрнатади.