Ҳукумат ўзбек интернет-дўконларига экспорт шартномаларини расмийлаштирмасдан савдо қилишга рухсат берди
Тошкент. 15 сентябр. ЎзТАГ – Ўзбек интернет-дўконлари хорижга ўз молларини экспорт шартномаларини расмийлаштирмасдан жўнатиш ҳуқуқини олдилар, деб хабар беради Ўзбек телеграф агентлиги (ЎзТАГ).
Бунга доир тегишли қарор республика ҳукумати томонидан имзоланди.
“Экспортчилар эндиликда ўз мол ва хизматларларини интернет-дўконлар орқали экспорт шартномаларини расмийлаштирмасдан уларнинг Ўзбекистон банкларидаги ҳисобларига тўлов тўлиқ тушгани ва ушбу маълумот Ташқи савдо операциялари ягона электрон тизимига киритилганидан кейин тақдим этишлари мумкин”, – деб таъкидланади ҳукумат қарорида.
Шунингдек, маҳаллий дўконлардан экспортга молларни жўнатишда божхона декларациясини расмийлаштириш бўйича анчадан бери ҳалақит берувчи муаммо ҳам ҳал қилинди.
Эндиликда сотувчилар хорижга қиймати $1000гача бўлган молларни почта хизматлари кўрсатиш қоидаларига мувофиқ божхона юк декларацияси расмийлаштирмасдан жўнатишлари мумкин.
