Ҳукумат “Ўзбекистон ҳаво йўллари” миллий компаниясига солиқ бўйича имтиёзлар берди
Дата: 16:25, 12-10-2015.
Тошкент. 12 октябр. ЎзТАГ – Ҳукумат “Ўзбекистон ҳаво йўллари” миллий компаниясига солиқлар тўлашни кечиктириш, шунингдек, қатор бюджетдан ташқари жамғармаларга тўловлардан озодлик имтиёзларини берди, деб хабар беради Ўзбек телеграф агентлиги (ЎзТАГ) Вазирлар Маҳкамаси қарорига асосланган ҳолда.
Хусусан, компанияга қўшимча қиймат солиғи ва мулк солиғини тўлашни кечиктиришга рухсат берилди. Бу солиқлар 2015 йилнинг 4-чорагида тўланиши зарур эди. Энди мазкур солиқлар 2016 йилда ҳар чоракда тенг миқдорда тўлаб борилади.
Бундан ташқари, “Ўзбекистон ҳаво йўллари” миллий компанияси ўзбек аэропорларида самолётларга қўшимча ёқилғи қуйиш натижасида олинаётган даромадлардан солиқ тўлаш мажбуриятидан озод қилинди.
