UMS оператори Ўзбекистонда ўз фаолиятини Тошкентда овозни юқори сифатда етказиб берувчи HD Voice технологиясини жорий қилишдан бошлади
Тошкент. 2 декабр. ЎзТАГ - Universal Mobile Systems МЧЖ (UMS) Ўзбекистонда ўз фаолиятини Тошкентда овозни юқори сифатда етказиб берувчи HD Voice технологиясини жорий қилишдан бошлади, дея хабар беради Ўзбек телеграф агентлиги (ЎзТАГ).
Бунга доир маълумот Россия ва МДҲдаги етакчи телекоммуникация оператори “Мобильные ТелеСистемы” ОАЖ томонидан тарқатилди.
Кечадан бошлаб UMSнинг Ўзбекистондаги 20 ошиқ бўлимлари ва 230 дилерлик салонларида абонентларни 2G/3G мобиль алоқа тармоғига улаш бошланди. Ҳозирда оператор мижозларга “Start”, “Maxi”, “Absolut” тарифлари, корпоратив мижозларга эса “Corporate” ва “Corporate VIP” тариф режалари таклиф этмоқда.
“Биз Ўзбекистонда ушбу мамлакатдаги ҳамкорларимиз билан бирга янгидан ташкил этилган қўшма мобиль оператор фаолиятининг бошланганлигини эълон қилишдан мамнунмиз. ҚК биринчи кундан бошлаб юқори сифатли овозли хизматлар ва UMTS стандартида интернетга юқори тезликда уланиш хизматларини кўрсатишга тайёр. Компания тармоғи мамлакатнинг 90% аҳолиси яшайдиган ҳудудини қамраб олган”, - деб таъкидлади UMS директорлар кенгаши раиси, МТС гуруҳи вице-президенти Андрей Смелков.
Эслатиб ўтамизки, МТС ва Ўзбекистон Республикаси 2014 йил 31 июлда ўзаро даъволардан вос кечиш тўғрисида яраш битимини тузган эдилар. Унга мувофиқ, МТС UMSнинг низом капиталида 50,01% улуш олди. Компаниянинг қолган 49,99% акциялари Ўзбекистон Алоқа, ахборотлаштириш ва телекоммуникация технологиялари қўмитаси қошидаги “Радиоалоқа, радиоэшиттириш ва телевидения маркази” ДУКга тегишди. UMS тегишли 2G/3G/LTE лицензиялари, частоталар диапазони, рақамлар сиғимига эга.
UMSнинг молия кўрсаткичлари МТСнинг 2015 йил 1 декабрдаги молия ҳисоботида акс этади.
