“Универсалбанк” лицензияси чақириб олинганидан кейин уч йил ўтиб хорижий валютада операциялар ўтказишга қайта рухсат олди
Дата: 16:07, 03-07-2015.
Тошкент. 3 июл. ЎзТАГ – “Универсалбанк” акционерлик-тижорат банки лицензияси чақириб олинганидан кейин уч йил ўтиб хорижий валютада операциялар ўтказишга қайта рухсат олди, деб хабар беради Ўзбек телеграф агентлиги (ЎзТАГ) Марказий банк хабарига асосланган ҳолда.
Эслатиб ўтамизки, 2012 йилнинг ўртасида Марказий банк “Универсалбанк”нинг хорижий валютада операциялар ўтказиш бўйича бош лицензиясини валюта муомаласи қонунчилигини бузганлиги учун чақириб олган эди.
Банкнинг ўзи 2001 йилда “Қўқон” очик-акционерлик тижорат банки негизида ташкил этилган. Банк акционерлари нодавлат компаниялари ва жисмоний шахслардир. Банкнинг бош идораси Қўқонда жойлашган.
