Қурбон ҳайитининг муносабати билан Тошкент жамоат транспорти 4.30 дан ҳаракатлана бошлайди
Дата: 16:18, 07-08-2019.
Тошкент. 7 август. ЎзТАГ – Қурбон ҳайити муносабати билан Тошкент жамоат транспорти 4.30 дан ҳаракатлана бошлайди, деб хабар беради Ўзбек телеграф агентлиги (ЎзТАГ).
"Тошшаҳартрансхизмат" компанияси маълумотларига кўра, 11 август якшанба куни Қурбон ҳайитини нишонлаш куни Тошкент жамоат транспорти 4.30 дан ҳаракатлана бошлайди.
Қайд этилганидек, транспорт ҳаракати чекланадиган масжидлар яқинидаги кўчаларда намозхонларнинг қулайлигини ҳисобга олган ҳолда автобус бекатлари ташкил этилади.
Сурат манбаи: uz24.uz
