Урганч аэропорти МДҲда 2013 йилдаги энг яхши ҳаво қўналғаси деб топилди
Дата: 15:43, 20-06-2014.
Тошкент. 20 июн. ЎзТАГ – Урганч халқаро аэропорти (Ўзбекистоннинг Хоразм вилояти) 2013 йилги иш якунлари бўйича Фуқаролик авиацияси “Аэропорт” ассоциациясининг “МДҲдаги йилнинг энг яхши аэропорти” номига сазовор бўлди. Урганч қўналғаси ушбу номга “Ишлаб чиқаришни ривожлантиришга қўшган катта ҳиссаси учун” номинациясида сазовор бўлган, дея хабар беради Ўзбек телеграф агентлиги (ЎзТАГ).
Кези келганда айтиш керакки, Урганч аэропорти 100 мингдан 500 минг кишигача хизмат кўрсатадиган ҳаво қўналғаларининг ушбу нуфузли конкурсида иккинчи маротаба қатнашмоқда.
Эслатиб ўтамизки, яқинда Урганч аэропортида халқаро талабларга жавоб берувчи янги терминал ишга туширилди.
