US Open турнирида Ўзбекистоннинг биринчи ракеткаси Денис Истомин Ришар Гаскега ютқазди
Дата: 15:10, 27-08-2014.
Тошкент. 27 август. ЎзТАГ – US Open турнирида Ўзбекистоннинг биринчи ракеткаси Денис Истомин Ришар Гаскега ютқазди ва эндиликда АҚШ Очиқ чемпионатини тарк этади, дея хабар қилади Ўзбек телеграф агентлиги (ЎзТАГ)
Бу тўғрисидаги маълумот турнир сайтида жойлаштирилган.
Франциялик теннисчи Ришар Гаске ўзбекистонлик рақибини уч сетда 7/5, 7/6 ва 6/4 ҳисоблари билан ютди.
Ўйин натижалари бўйича Гаске ҳисобида тўққиз эйс ва икки жуфт хато, Истоминда эса 18 эйс ва битта жуфт хато қайд қилинди. Гаске Истоминнинг тўрт тўп узатишини олди, лекин ўзининг икки тўп узатишини бой берди.
Ўйин 2,33 соат давом этди.
