Устюрт ГКМ илк маҳсулотларини экспортга чиқаришни бошлади
Тошкент. 7 апрел. ЎзТАГ – Устюрт газкимё мажмуи (ГКМ) ўзининг илк маҳсулотларини хорижга экспорт қилишни бошлади, деб хабар беради Ўзбек телеграф агентлиги (ЎзТАГ).
“Ўтган йил октябрда ишга туширилган мажмуада ҳозирда ишлаб чиқаришни лойиҳа қувватига етказиш ишлари амалга оширилмоқда. Бунга қарамасдан корхона Туркия ва Шарқий Осиё мамлакатларига ўзининг илк маҳсулотларини етказиб берди. 2015 йил декабрда полиэтилен, 2016 йил январдан полипропилен жўнатилди”, - деб таъкидлашди “Ўзбекнефтегаз” МХКда.
Завод лойиҳа қувватига чиққанидан сўнг йилига 4,5 млрд куб. м табиий газ ва 115 минг тонна конденсат, 387 минг тонна полиэтилен, 83 минг тонна полипропилен, 3,8 млрд куб. м товар гази, 102 минг тонна пиролиз мойи ишлаб чиқариш имконига эга бўлади. Ўтган йил охирида йўлга қўйилган лойиҳанинг умумий қиймати $3,9 млрддан зиёд.
Лойиҳадаги барча ишлар 2016 йил ўртасига тугалланиши режалаштирилмоқда.
