UZ зонасида доменлар сонининг рекорд даражада ўсиши кузатилди

Тошкент. 25 декабр. ЎзТАГ – Ўтган ҳафта мобайнида .UZ миллий домен зонасида доменлар сони 15 мингтага ўсди, бу эса рекорд даражада ўсишдир, деб хабар беради Ўзбек телеграф агентлиги (ЎзТАГ).

UZINFOCOM марказининг хабар қилишича, агар олдинги ҳафтада .UZ миллий домен зонасидаги доменлар сони 36,6 мингдан зиёдни ташкил этган бўлса, ҳозирда улар сони 51 мингтадан ортиқ.

Олдин доменларнинг йиллик ўсиш 5 мингдан ошмас эди.

Бу мамлакат раҳбарияти томонидан бизнесни модернизациялаш (конвертация, солиқ имтиёзлари, эркин иқтисодий зоналар ва бошқалар), шунингдек, рўйхатга олувчилар ишини енгиллаштириш бўйича олиб борилаётган сиёсатнинг натижасидир.

Янги рўйхатга олувчилар билан ҳамкорлик уларнинг ҳар бири асосий рўйхатга олувчиларга рақиблик қилиши мумкинлигини кўрсатди. 

Албатта, UZ домен зонасининг ўсиш суръатларига АКТ соҳасининг ривожланиши ҳам  катта таъсир қилди. Бу эса, ўз навбатида UZ домен зонасида ишга тушириаётган сайтлар ва хизматлари сонидан ҳам акс этади.

Сурат манбаи: http://ictnews.uz/19/10/2017/cctld-uz/