Uzbekistan Airways Technics Россия авиакомпаниялари самолётларига хизмат кўрсатади

Тошкент. 5 март. ЎзТАГ. – Uzbekistan Airways Technics авиатаъмир корхонаси Россия авиакомпаниялари самолётларига хизмат кўрсатади. Бу ҳақида Москвада бўлиб ўтаётган “Россия ва МДҲ мамлакатларида авиация техникасига хизмат кўрсатиш ва таъмир” кўргазмасида маълум бўлди, дея хабар беради Ўзбек телеграф агентлиги (ЎзТАГ).
“Кўргазма доирасида “VIMavia”, “SCAT”, “Уральские авиалинии”, “Якутия” авиакомпанияларига техник хизмат кўрсатиш ҳақида шартномалар имзолаш масалалари муҳокама этилди. “РусЛайн” авиакомпанияси билан А319 лайнерига хизмат кўрсатиш тўғрисида дастлабги келишувга келинди. Бундан ташқари, хорижий компаниялари билан самолётлар учун эҳтиёт қисмлар ва ускуналар етказиб бериш бўйича ҳам музокаралар олиб борилди”, дея қайд этишди компания матбуот хизматида.
Шунингдек, Uzbekistan Airways Technics авиатаъмир корхонаси кенг кўламдаги авиатаъмир хизматлари, шу жумладан, янгиБоинга-787 Дримлайнерни қуришда фойдаланилаётган юқоритехнологик композицион материалларни қўллаган ҳолда самолётларнинг катта қисмларини таъмир қилиш цехини ҳам тақдим қилди.